招魂寨遇海魂!爷爷的行船诡异经历…

本期故事由佛山昌哥分享,以下是文字:


在我5年级的时候,爷爷同我讲佐一个局出海行船既奇遇。

2-30年代出去行船,都系开个种很大条既木船出伶仃洋做买卖,阿爷是191几年生人,可以话都经历佐好多沧桑。

 

阿爷话,以前行大船,船上都有个大师傅,一般都系家传,或者有上一代既大师傅授业,因为唔同而家,有好的铁船,又有发动机,以前既大木船就系风力加人力,又无导航又无声纳,可以话系上不知天。下不见深,前不见方向,后不见云,一船人出到海,生死全靠大师傅。

 

所以撑船既大师傅就等于呢条船既船长,所有人都要听距既话。

 

阿爷系船上主要系负责采购中药,治疗伤员,仲要帮忙煮饭。

 

呢件事,就发生系阿爷30岁既时候。

 

阿爷距地每一次出海前都会拜神,打胜杯,如果打三次都出唔到胜杯,就会推迟出海。

 

个次只系打到一次胜杯出来,本来想推迟出海,但系临近又临近过年,他家都想出多次海,等过个好年。

 

于是阿头决定按原计划出海,不过提醒所有船员注意,今次可能会有滴唔顺利。

 

距地系经虎门出海口出海,阿爷话阿头次次经过虎门海口都要杀只公鸡丢到海里,再倒支酒敬海口。因为虎门海口自古以来就系战略要地,打过好多战,死过好多人,怨气同杀气都好重。

 

阿爷个条船去到伶仃洋之后,有时会去江浙一带收获,远的话仲会去南洋。

 

个次出海既头三日一直都好顺利,到佐第四晚,已经回到汕头附近的海域,晚上就停系一个小渔港度,一到渔港,阿头就去问当地卖鱼既人倾计了解情况。

渔民就话,阿头停船个度唔可以停船噶,因为果个位置,当地人叫招魂寨,村民都系个度招海魂。

 

阿头听佐渔民既说话,就去多买了一点烧肉和酒就上翻船度。上船后,阿头即时系船头上香上烧肉,再打胜杯。跟住距又周围望佐下,重新睇佐下停船既位置,跟住同大家讲,今晚大家注意滴,可能会有滴怪事,不过问题唔打,大家好好训教,听到咩声唔好行出来就得啦。

 

阿头打胜杯的时候,阿爷都系度,距知道阿头今次打既胜杯都唔系几号,所以知道情况唔系咁好。

 

到佐天一黑,船上既人食完饭就翻船舱休息,阿头就留佐阿爷同距坐系船头当值,阿爷话跟阿头当值其实几好噶,又有烟仔同花生食。

 

阿头安排好距同阿爷轮流睇住,一人两个钟,休息就系隔离既小床度训。

 

到佐两点几,本来仲有一个钟先到阿爷休息,但系阿头就叫阿爷提早休息,两点到四点由距黎睇,阿爷就话唔制,边有阿头辛苦睇噶。

 

阿头就话,呢个钟可能会发生滴嘢,你应付唔黎既啦,你只管训教,唔好理就得啦。

 

啊爷话唔怕,自己见过好多世面。其实阿爷心里面听阿头咁讲,已经非常好奇,想睇下系咩事。

见阿爷咁坚持,阿头只好由阿爷,两个人一起值呢两个钟,距仲同阿爷讲:

 

“林仔啊,知道你命水我先叫你跟我值夜啊,其他人唔得噶,唔系每个人既命水都顶得顺呢滴嘢,轻则重病一场,重则命都无。”

 

就咁样,距地两个就咁倾计倾到两点半。

 

呢个时候,阿头突然细细声同阿爷讲,林仔,你睇下前面。

 

阿爷一睇,前方海面有好多绿色既光正游紧过来船呢边。

 

阿头马上用双手做了一个唔知咩手势,仲讲佐几句嘢,跟住用呢个手势打佐三下船头铁锚的大铁链。

 

阿爷终于忍唔住好奇问阿爷,呢滴系咩黎噶?

 

阿头话,呢滴叫海魂。

 

海魂分几种,有绿、红、青、白、黑……呢种绿色未算恶,如果系遇到黑色果滴,就非常危险啦,阿头话如果今日一次胜杯都打唔出,距一定起锚走人,点知最好又比距打到。

 

阿头仲话,有一定行船经验既人先知道呢滴叫海魂,唔知道既仲以为系一种海洋生物。

 

讲讲下,滴绿色既嘢已经来到船头,只船开始左摇右摆,不过幅度唔算好大,奇怪既系,绿光以外既海面都系非常平静既,浪都唔大。

 

跟住阿爷就听到一阵风声,就好似好多人喊咁……阿头马上吸佐一大口烟,对住阿爷的面同两耳吹了一口。

 

阿爷话,好神奇,当时距听到个阵风声,好有冲动想行去船边认真咁睇下个滴绿色既嘢,但系阿头吹完烟之后,呢种强烈既冲动就消失佐。

 

铁锚既铁链系成只船最前方既物件,个滴绿光去到铁链后就分开两边,向后飘去……

绿光经过铁链既时候,只听见铁链来回摆动,嗡嗡作响,好似有人系度拉铁链咁,船两边又发出卟卟卟的敲打声。

 

见到咁诡异既情形,阿爷都有滴惊啦,距就问阿头会唔会有事噶……

阿头话,有距系度,无事。

 

跟住滴绿光慢慢咁飘过,大概用佐十几分钟就走晒,海面又恢复当初既平静。

 

呢个时候阿头先眉头一松话,无事啦,我地翻舱训,稳第二个人同你交班。

 

十几分钟后,同阿爷换班既人就上佐黎,果个人一到就问阿爷,刚先发生咩事,距地系船舱听到只船卟卟声,外面又好似好大风咁。

 

阿爷就话,无事啊,刚刚翻风咋嘛,跟住就翻舱训教啦。

 

离开招魂站之后,阿头先同阿爷讲海魂既来历。

 

以前既师傅同阿头讲,系海上死既人,定时会集中一起翻去以前出海既地方,个滴怨气重既翻黎既时候就要稳替身,如果系绿色,就系怨气唔重,只系想翻屋企睇下。不过遇到定力唔好既船员,同样都会出现钩魂的情况。

 

阿头仲话,距个晚做既手势敲打船锚,系帮距开锋咁解,避开海魂,如果唔系海魂对船体都会有一定既损害。

 

终于个次出海,系阿头既带领下,大家都平安归来。

读热河,微信搜索公众号:灵异怪谈事件录 查看另类精彩内容,欢迎转载本文固定链接
喜欢 ()or分享